PAP 
NL 
EN 
Aktividatnan
Archivo
Archivonan ta kontené un skat di konosementu i ta forma ku esaki un fuente riku pa hasi investigashon sientífiko. Nan ta instrumento di memoria i kultura i pa tur hende testimonio balioso di nan historia i identidat.
Banda di esaki archivonan ta kontené nos herensia i patrimonio kultural. Ousensia di esaki ta menasá pèrdida di e identidat di komunidat. Boneiru tin un kultura i historia riku i komo munisipio spesial di Hulanda ta mas ku importante pa salbaguardiá e pida patrimonio aki.
E archivo di FuHiKuBo ta konsistí di diferente kolekshon di buki, dokumento i kolekshonnan oudio/visual ku ta bai tokante e anterior Antia Hulandes, Sürnam, Sur Amérika i Caribe ku tópikonan variando di sklabitut te poesia.
Si bo ke sa ki literatura nos tin, traha un sita i bishitá nos archivo.
Un parti di e archivo ta digitalisá i visibel riba archivoboneiru.com
